رحمة الله عليك ..

1:21
1/3/2017
رحمة الله عليك يا أبوي..
لسا نحنا والمدامع رفقة..
كيف يا ابوي تاني نفرح ..كيف ننبسط ..كيف ننسى ..وكيف ندفر الايام نمشيها ..كيف..
نفرح ..نعيَّد ..نزغرد ..نغني ..كيفف؟؟
كيف كل دا..
انا ياابوي فراقك والله غريب ..
سلّ الفرح مننا ..وخلانا والله حزنانين. ..
حزنانة انا والله يا ابوي ..وببكي كتيير عليك ..
حزنانة من الناس البتعاملنا غريب ..حزنانة ل أمي الباتت عيونا حزينة ..حزنانة لأنو حياتنا حزينة ..
كيف مفترض نعيش ..كيف ..
وانت الكنت ممشينا ومأكلنا ومشربنا ..كيف ننساك يا ابوي ..
كيف مفترض نفرح ..نشارك الناس .. كيف..
يحليلك ..يالعزيز الغالي ..يحليلك..
العزيز الغالي ..
دنيا غريبة ..خلتنا نتمنى نزور قبرك..
خليك نايم مطمن..انت الربيت والأديت..
انت الكريم .. انت المصلي العابد ..
في كل خطوة يا أبوي حأفضل حافظة إسمك..وتربيتك..وبصمتك جواي..
حأحفظك يا أبوي ..وأحفظ سمعتك بي..
رحمة الله عليك يالغالي..